حان وقت السفر والعين عيت تنام
ول يالصيف كم فرق حبيب وحبيب
نور عينى يسافر عادته كل عام
كل صيف ونور العين عني يغيب
قاعد بس أحاتى سفرته ياحرام
جرحى اللي جرحنى العام توه يطيب
يالله انك تعين اللي قعد للدوام
ماحصل له اجازة من رداة النصيب
مااقدر الحق حبيب الروح عذب الكلام
مير ليت البعيد يصير عندي قريب
واعذاب المولع راح قلبه عدام
بس يبنى الاماني والامانى تخيب
اطلب الله لي بلوغ المرام
حيث انا بين ربعي مير كني غريب