اولا اول مرة ادخل هنا عندي مشكلة غريبة كدا ومسببالي احباط واكتئاب وحالة نفسية حادة هبدأ في الموضوع انا عندي اول الشارع بتاعي محل عطور وروايح وكده المهم كنت علي طول بخرج بره علي الشارع اجيب حاجات كتيرة والموضوع ده كان قبل رمضان باسابيع كتيرة ف مرة خرجت لقيت ولد كان بيبصلي لما نزلت تاني لقيته سايب كل البنات الا ماشية في الشارع وبيبصلي انا وانا مش مهتمة لاني معرفوش ومعرفش انه مين المهم فضلت الايام تعدي ورا يوم ويعدي يوم وهو زي ماهو وساعات مككنتش بشوفه.. ملحوظة الولد كان بيجي يقعد مع صحابه عند محل العطور ومحل العطور علي ما اعتقد بتاع صديقه وهما شلة وبيقعدوا مع بعض وهو شكله محترم جداً جداً المهم انا مكنتش مهتمية بالموضوع ووخداه سخرية وطيش شباب عدت الايام وهو علي ده الحال لحد ما جه يوم وصحبتي كانت معايا قولتلها علي الموضوع ده وهي فضلت تبص من فوق لتحت واحنا ماشين وقالتلي فعلا انه بيبص عليا قالتلي اكيد بيبص لحد تاني مش انت قولتلها يمكن ومكنتش حاطة في دمماغي ومشينا دخل رمضان وكنت مشغولة انا واهلي الفترة دي كنا بنغسل سجاجيد وسحور وكلام من ده وكنا مشغولين وانا كنت بطلع علي الشارع كتير علشان بنجيب حاجات كتيرة جداً وكنت بروح عند خالي كتير لانه في شارعه قدام شارعنا المهم كنت بطلع كتير علي الشارع وهو علي نفس الحال بس ساعتها كان اغلب الاوقات مكنش موجود وانا كنت بستريح لان شيء مش طبيعي ان حد يبص عليكي والا كان بيخيليني احتار انه سايب بنات الشارع كلهم وبيبصلي انا وانا من النوع الا مش بيثق في نفسه مع ان كل الناس بتقولي ان جميلة المهم كنت بنزل انا وصحبتي بنجيب سحور بقي وانا ساعتها اكتر الاوقات برده مكنتش بنزل كتير من البيت علشان كنت تعبانة وبعدين بدأت انزل اجيب حاجات تاني وهو كان بيبقي قاعد وعلي نفس الحال وانا مش مهتمة بيه خالص خلصت فترة شهر رمضان وهو علي ده الحال جينا للعيد ومبقتش بشوف الولد ده نهائي وكنت حزينة ساعتها اووي معرفش ليه مع اني مش متافهمة معاه ولا اعرف اسمه حتي بدأت اهتم بيه وكل يوم اشوفه مش الاقيه وكنت حزينة جدا والمشكلة فضلت افكر طب هو كان بيبصلي ليه ومش لاقيه حل بقيت كل يوم اشوفه ملقهوش خالص فبدأت ادخل في حالة نفسيه واكتئبت مبقتش اشوفه غير مرة واحد من كل اسبوعين او ثلاث اسابيع كمان اول مرة شوفته بعد غياب واني كمان كنت في مصيف انا واهلي شوفته لما رجعت نزلت اجيب حاجات لقيته هو وصاحبه بيشترو حاجات وانا كنت مبسوطة جدا معرفش ليه وعيط ساعتها من الفرح وبعدين استنين اسبوعين او ثلاثة وكنت بنهار من العياط وقلة النوم وكنت بقرأ قران كتير علشان انسي الموضوع ده بس مش عارفة مالي ايه الا حصل فيا بسببه المهم بعد فترة اسبوعين كده او ثلاثة اسابيع عديت من شارع جمب شارعنا علشان كنت بجيب حاجات المهم لقيته ماشي وانا ساعتها كنت فرحانة جدا جدا وقبليها بيوم كنت بدعي لرربنا اني الاقيه ولما طلعت صليت لربنا وشكرته ولغايت دلوقتي بدعي لربنا وعندي امنيات كتير ليه انا مش عارفة ده حب من اول نظره زي الا فلام ولا حب من طرف واحد ولا انا غريبة شوية بس مش عارفة ايه ده وملحوظة تانية انا عمري عمري حبيت حد وصحابي كلهم دايما يسألأنوي انت هتعنسي وانا مش حاطة في دماغي حلمي اطلع الحاجة الا بحبها بس مش عارفة حصل كده ازاي وحاجة تانية الولد ده شكله وسيم شوية وشكله محترم جدا وانا بدعيله كتير اووي في صلاتي دعوة بظهر الغيب انا حاسة ان ربنا بيعمل ليا كده علشان مخبيلي حاجة كويسة او بيعاقبني علشان كنت مش مهتمية بالموضوع ممكن تعليقاتكم من غير تجريح في الكلام او تعليقاتكم متكونش وحشة عايزة استفاد منكم واسفة اني طولت الموضوع عليكم