1:57
ما فيني نوم ، بس لازم انام لان وراي كرف بكره ،،
صح الشغله متعبه و خلتني أشك ان عندي مشكله في رجولي بس الحمدلله طلعت سليمه
لكن حبيت هالمكان ، اشوف نفسي فيه ، و ابدع فيه ،،
حتى مديرتنا الكبيره لما شافتني انبهرت من شغلي و نشاطي ، كانت ماخذه فكره غلط و صححت لها
و ما كنت قاصدة اصحح لها ،، بس هي شافت بعينها ،،
و سبحان الله متى ما كنت صادق مع نفسك و مع اللي حولك ربي ما يضيع لك تعب ،،
اليوم مدري شفيني ، احسني حبيت نفسي بزياده
نبض قلبي اليوم مختلف ، ما اعرف ليه بس كذا احس ،،
و احس بعد ان ودي اسولف و ما اسكت خخخ
بس ما عندي سوالف
عشر ذي الحجه إحساسها حلو ،
و اتذكر يوم حجيت 1435 يالله قد ايش كانت مريحه و حلوه ،،
ما كان فيه حر و لا زحمه ،، دعيت ربي ب كل اللي اتمناه ،،
دعيت لنفسي كثير ، دعيت لحبايب قلبي
و الله اتمنى ربي يكتب لكم حجه للي ما حج ،،
كل ما جا مجال تذكرنا حجتنا ،، سوينا كذا و سوينا كذا ،، يالله قد ايش ايام حلوه ،،
نفسي احج مره ثانيه
2:10