الغريـب الـلـي عـلـي داره مــرده

................... مـا جنـا مـن غربتـه غيـر التيـاعـه




من اخذ لـه مـع " سمـو الغيـم " مـده

................... لو حسبها ما تجـي يـا دوب ... ساعـه




كـل عاشـق توقـف الأيــام ضــده

................... ما وجد نفسـه ... ولا حصـل ضياعـه




انكسـار الـشـوق بعـيـون الـمـوده

................... مثل كسر السيـف فـي يمنـي ٍ شجاعـه




انتـثـر حـزنـي ولا أقــدر اعــده

................... كنه اصبح لي وطن ... واهل ... وجماعه




كل مـا قلـت انتهينـا ... ! كـان رده :

................... الفـراق ان جـاء لـه سمـع ٍ وطاعـه




آآه مـن جسـر المواصـل كيـف امـده

................... والـوداع القـاه اكثـر مــن قنـاعـه




لـو دريـت ان المعاتـب فـاق حــده

................... مـا كتبـت آخـر قصيـده فـي وداعـه




ما هـو ودي... بـس غيـري ليـت وده

................... ينهـي القصـه …ويعلنهـا ...قطـاعـه


منقوول لروعتها