فسر هروبي ضعف مني وتقصير
ما اقدر اردك عن قرارٍ تشوفه
وشحيلتي ماعندي اليوم تبرير
من وقتي اللي ما بقلبه مروفه

وقتي جرحني جرح من تخدير
واشهر عليا في زماني سيوفه
واحلامي اكبر من كلام المعاذير
وقلبي هواجيس المودة تلوفه

ايامي السودا خذتني مشاوير
لين الشقى ضمّن محاني كفوفه
تمشي مع العشرة ظروف المقادير
تردني عن شف بالي ظروفه

حاولت احطم حاجز الياس واسير
مثلك وأبرر موقفي والحسوفه
فسر هروبي ضعف مني وتقصير
ما اقدر اردك عن قرارٍ تشوفه



كلمات: عبدالله الرشود