راضي على المقسوم لو قسمي قليل
وأنا زبون الكايداات وندها
اما فعول اللاش والوجه الذليل
اشرهه على اللي يفتخر ويعدها
لو مالت الوقفات عزمي مايميل
يثبت مثل روس الجبال وخدها
الأصدقاء فيهم من السيف الصقيل
يبين في وقت اللوازم حدها
سيفن لحزات الطرب حده يميل
وسيفن لحزات النشايب قدها
يالله تغفر لي قبل يوم الرحيل
النفس ماتدري متى هو حدها
نعيش في الدنيا مثل عابر سبيل
دنياا الفناا ننزل بها ونشدها
حناا تربيناا على العلم الجزيل
من تجربة روسن عريبن جدها
نفوسنا لو ماا لقت غير القليل
مابيحت سود الليالي سدها
مهما فعلنا للخوي المستحيل
افعالناا ماا نفتخر ونعدها
ارواحناا تتعب على رد الجميل
لكن جمايلنا مانبغى ردها
منقول
بقلم المرحوم مشاري مبارك الدوسري💔