مشكلتي معقده وليت تعطوني التصرف الحكيم أخاف أتهور وأندم بعدها


متزوجين من خمس شهور عمري 24 سنه وعمره 27 سنه

بداية كانت تمام لاحظت عليه أنه عصبي شوي خصوصاً في الوقت ألي يرجع من دوامه


بتقولون وين المشكلة

أقولكم زوجي لما خطبني قال لأهلي أنه موظف في وزارة الداخلية طبعاً سألو عنه أخواني والكل يمدحه ومصلي ومحترم


لكن لاحظت بعد شهر العسل لما أنتهت أجازته يداوم يومين ويوم يجلس بالبيت شكيت أنه مريض وغاب بس مافيه ألا العافيه

لما أحصى الصباح وأجهز فطوره والقهوة وملابسه أجي أصحيه يقول ما عندي دوام اليوم !!!!!!



وغير كذا تجيه أتصالات ويقوم يبدل ( يلبس ثوب وشماغ ما يلبس مثل العسكر )


كنت أضحى أحياناً أخر الليل وما ألقاه جنبي وأعرف أنه طلع



لما سألته قال الدوام يتصلون عليه




وقتها أستغربت لأن دوام الوزارات ثابت ويومياً لكن دوامه ويختلف !!!!!!




شكيت أنه في مكان حساس مباحث مكافحة مخدرات لأَنِّي لما سألته عَصّب علي وقال لي مو شغلك




أذا أنا مالي شغل مين ألي له شغل بالله في عروس تنهان بشكل هذا وأذا كان مكانه حساس لديه ما يعلمني الصراحه أنا مو غريبة


أفكر أقول لأبوي عن ألي يصير وطلعاته بالليل و الموقف ألي صار بينا بس أخاف الموضوع يكبر بس صدق أنجرحت