يا بو سعد ضاق صدري والسبب خافي
مبديت سرى لو انه زاد بي جوره
اساير الوقت واثر ايامه اعجافي
و الناس يابو سعد ماهي بمعذوره
احدن شرب له قراح و منبع صافي
و احدن زمانه لعب به لعبة الكورة
واحنا لنا مع هالطولات ميقافي
مع رجال بكسب الطيب مذكورة
امشي قدم في طريقي منظر خلافي
ولا استمع في كلام اشخاص مغروره
واللي بعرض المقفي دوم حذافي
الناس في خوته ماهي بمجبوره
دايم و مرقد قصيد الرابعه دافي
و مجملتها الملابس والبدي صوره
اسقطت بعض الرموز وغيرها كافي
ماحب ازيد الكلام ونجرح شعوره