يمه أنا صدري من الهم ضايـق
اضلوع صدري ما يشيلن همـه
يمه أريد ابكي واهـد الخلايـق
ازريت حتى الجو ما اقدر اشمه
تكفين ضميني ترى الموت سايـق
يسوق روحي بين لمـه و لمـه
يمه ابي فرقا عيـون الخلايـق
اللي تباريني علـى كـل يمــــــه
طـفـله واخاف اليوم ظلم الحقايق
اخاف يسقيني الزمن مر سمـه
يمه بموت من الهجر والشفايق
دام الهوى المطعون فالعين يمه
يمه أنا مابحت لأدنى الرفايـق
يمه ابي اعرف اذا الموت تبايق
هو باق خلي من عيـونٍ تودة
قولي ترى حيلي فقد كل عزمه
ياليتني ما اقفيت بالـود رايـق
يومٍ إن عينه تبتسم لـي بسمـه
يقول ما غيرك لذا العمر لايـق
العمر راح اليوم دونـه ودوني
راح و تركني ما تحرى الوثايق
الموت ضمه قبل صدري يضمه