.
اهتوي طاري هله من حبي لطاريه
............. والدروب اللي تجنبهم ماهي بدروبي
متعب" رجلي ولو هي صوبهم عبرية
............. وابني امالي على الترحيب لاهلوا بي
واثرني ضايع واصدق قصة الحورية
............. وش ينجيهم من اثامي اذا قفوا بي
.
.
للترف خيـــل ٍ غدا مركــاضها صدري
........... وطيــــور شــوقي غدا مقيالها .. عيونه
لبا جفونـه ولبا .. طبعــها الخـدري
........... ولبا ســــوادٍ رقد في خدري جفونه
أثره بضحكة سنونـــه حافر ٍ قبري
........... ولا كنت اظني بامــوت بضحكة سنونه
شرهة متونه على شــلالها الخمـــري
........... وان نثـــرته الهبـــوب .. مردّه متونه
جيت اجبر الكسر لكنــه .. كسر جبري
........... مجنـــون والحـظ ساقــه يم مجنــونه
يتفنن بلوعتــي .. واتفنن بصبري
........... حتى غــدت لوعتــي من اجمل فنونه
لا رحم ابوالحظ ساق الهجر من بدري
........... وشيّد جســـور الجفا من دونـي ودونـه
واقفيت لاني ضرير .. ولاني ببصري
........... اليا منعني الحيا ... ساقتـــني المــــونه
وجهمت اسوق الخطا في الدرب واهذري
...........( تكفـــون ياللي خـذوا خلّي تــــردونه )
ابطى .. وخلّى سؤال ٍ يلهث بفكري
........... مادري يصون الغلا ؟ .. مادري هو يخونه؟
ويوم اني اسجّ بين ادري .. وما ادري
........... عقب البطا .. جاء يقول : الدار وشلـونه
قلت انت : دارك هنا.. واْشِر على صدري
........... قال انت : دارك هنا .. واَشّر على عيونه.
.
من كثر حبي لك تركتك وصديت
والقلب خالفني عليك .. وتركني
من شآن عينك هنت عيني وضحيت
وش عآد لو سهر الليالي هلكني
المدخل لـ أبن فطيس المخرج خالد الفيصل
والنص لشآعري الجميل والعذب محمد الدحيمي الشهري
راقت لي 