09-26-16, 05:05 AM
|
#1 |
| أزهـــآر الجـــنــوبَ | | | | | | | | | | | | | | | | | | الهوايه » التصاميم ، القراءه ، الكتابه ، الغناء ، الرسم | | | | | | | | | | 
وقـف ولآ ترمي ودآعك بلأعيــان ~
وقف ولآ ترمي وداعك بالأعيان
محتاج أنا لذرة أمل في سنيني
هذي تفاصيل العمر وسط الأجفـآن
صور وأمــاكن في عيوني تجيـني
والله من تطري وسط عمر الأحـزآن
كل الفرح من لون وجهك يجيني
مثل المطر يركض على الأرض ولهـآن
هذا انت دايم بالوله محتويني
يكبر غيابك لو كبر وسط الأشجان
يكبر معه في شوق عمري حنيني
الماء في قلبي من الشوق كثرآن
صبيت دمعي وشفت قلبك بيديني
قلت احضنه في وسط يديني على شان
مايلمس أطرافه حزن من ونيني
حتى ولو أخترت فرقـآك عنوآن
يكفي بيديني قلب عمرك يبيني
ماهي حكاية إنـت رآبــح وخسرآن
أو هي حكاية أبيك وتبيني
المسأله روحـين في دآخل إنسان
شفتك رحلت وشفت روحك في عيني
غمضت أرد الروح من خلف الأجفان
عشان أصدق كذبتي إنك تجيني |
|
|
|