واهني الصخره اللي مايحرقها سموم



الزمان اللي يهد العزم ما هدها



الزمان اللي تحدا قويين العزوم



لين مشاها على ود ماهو ودها



والمجامل بعض الأحيان ما يقضي لزوم



لابو النفس الضعيفه ولابو جدها



مير تجبرنا العوايد وتجبرنا السلوم



نكتم الأسرار يالين تاصل حدها



الردي لا طاح جعله يطيح ولا يقوم



باح سده والنشاما ما باح سدها



كل ماكبرت وضاقت على عيال الرخوم



نحتزم لأكبر مصيبه وناطا خدها



جعل قسمي عند ربي من خيار القسوم



واحد يعطي العطايا ولا يرتدها



ياعيال ادم وحوا تراها ما تدوم



دورة الأيام لابدها لابدها



ياوليد البط وشلون ماتقدر تعوم



وانت ابوك يعوم جزر البحور ومدها



وانت ياحلم حلمته مهو مثل الحلوم



ياضحية مزح الأحلام مدري جدها



ادري ان فالناس معطى وفالناس محروم



ايه يابيض النوايا ويامسودها



وياضميري لا يهمك من الدنيا هموم



الصعيبه حلها والبسيطه عدها



جات في سد الشوارب وفي سد الخشوم



كبر الضيفه وعش الضيوف وغدها



والمراجل ماتوفى بضافية الهدوم



كود بسيوف يشوق النواظر حدها



والردي لو درس المرجله في كل يوم



المراجل عند اهلها يذعذع ندها



يعتبر قسمه مثل قسم زاهية الرقوم



يوم تكحل رمشها والقرون تكدها



ماكسبت الا رضا اهل النمايم والعلوم



يارسول الحكي هات العلوم ودها



الصفوف اثنين هذا دفاع وذا هجوم



وانت اظنك لانت معها ولا انت بضدها



شرهة الطيب تعداك للغوج العزوم



وانت صلفات المشاريه مانت بقدها



وانت في سود الأظله تريح ومخدوم



وان ذبحك الجوع كد التكاسي كدها


بقلم شاعري المفضل/سلطان الهاجري ♡


https://***************/watch?v=ZuncyVrLe8g