ما هقيتك بالقساوة وبالهجر عليه صافي تعود
شلون عرف قلبك القسى وأنت فيني العطوف
تعال كفاك صد تراني منه الحيل غدا ملهود
واسمع دقات قلبي تناديلك وتخط الحروف
طولت الغيبة الين طاح دمعي على الخدود
وصارت أيامي مع لياليها تصفق بالكفوف
وكل شي فيني ذبلت أوراقه الأمل والوعود
وسكني الألم وحلم الوصل واللقاء والخوف
ليتك بس سمعت بشوق قلبي ماله حدود
كان تجيني رغم الجفا الحظ وعناد الظروف