|
هذي أبيات بين شاعرين من نوع المزح والطرفة.
هذي أبيات بين شاعرين من نوع المزح والطرفة.
جـيتك مسير ما لقـيت منك ترحيب
لا جبت لي قهوة ولا من قدوعي
ياليتني دورت غيرك معازيـب
جيتك جويع ورحت منك بجوعي
الظاهر انك ما تعرف المواجيب
لاشك طبعك يختلف عن طبوعي
حنا لاجانا الضيف ننفض له الجيب
ونجيب له مــن كل شكل ونوعي
عاداتنا والرزق من عالم الغيب
هذا وإنا ابخل واحدٍ مـن ربوعي
فجاء بالقدوع, وقال غاضبا:
إقدع عسى يقدع على راسك الذيب
في خايع مابه من الناس دوعي
متعـطلٍ فـي الـبـر قـبـلي تـنـاجـيـب
من ليلة الجمعة ليوم الربوعي
ومروك ناسٍ غايبٍ عنهـم الطيب
وخلوك وحدك في مكانٍ يروعي
ثـم جاك ذيبٍ ما سنونه بتركيب
ذيبٍ ولد ذيبٍ وشرسٍ قطوعي
سوى بك سواه على غير ترتيب
يجزع لها قلب الشجاع البتوعي
|