الثلاث ايام اللي راحت غيرت جو ، حبيت الدوره اللي رحت لها
و الاحلى من ذا كله ، اني انا و اعز صديقاتي جا اسمنا ف نفس الدوره ،،
غيرت ٨٠٪ من شخصيتي ،،
تخيلو اني قمت اتكلم قدام المجموعه ، اول يوم كنت بموت من الخجل ، الكلام اللي رتبته ضاع مني
و الاعظم اسئلتهم تضيعيني و تلخبطني ،، على ان السؤال كان جداً عادي ،
بس عشاني ماني متوقعته لخبطت ،، كنت اتكلم بسرعه و من داخلي اقول لا تسألوني خلوني اخلص
غير كذا انا لما اتكلم عن تخطيطي لبنتي و كيف ابيها و عن اهلي و حبي لهم تجيني البكيه
و كل وحده صوروها و هي تتكلم بجوالها على اساس ترجع البيت تشوفه ،،
انا جيتهم اليوم الثاني قلت انا ما شفت الفيديو و لا بشوفه ، لاني لو شفته ما راح اتكلم اليوم قدامكم ،
صارت المدربه تقول لا لازم تشوفيه و انا اقولها خليني انا عرفه وش هببت امس خخخ
اصرت عليّ اني اشوفه و شفته و انا عين مغمضه و عين مفتحه خخخ ،، ايش المصيبه اللي سويتها خخخ
المهم قلت انسي ي بنت انتي متحمسه تكلمي اليوم ،، و من الحماس انا اول وحده قامت تتكلم ،،
تخيلو فرق معي بين اليومين ، حسيت ان ودي كل شوي اقوم و اتكلم قدامهم من الحماس خخخ
كانت المجموعه جميله ، و التمارين اجمل ،،
من التمارين : قالت المدربه انا ابيكم تغمضون عيونكم مدة ساعه ،
الكل استغرب ليه ، اغلبهم توتروا ساعه وش بنسوي مغمضين :eh_s(10):
المهم بدينا و غمضنا ،، و وزعت علينا كل وحده ثلاث اشكال و كل شكل بلون ،،
كان المطلوب نطلع الشكل الناقص و وش لونه ،، بدينا مضاربه و صراخ ،
كانت الاشكال غريبه و كل وحده توصف غير عن الثانيه ، حاولنا نقرب وجهات النظر ، تهاوشنا كثير خخ
اخر شي عينّا قائده هي توجهنا ،، تشاركنا الين فازت مجموعتنا ،، كان احساس جداً جميل الانجاز
مرره مرره استفدت ، اكثر من الدورات السابقه ، ما اعرف ليه بس اللي اتوقعه ان المدربه رائعه و القروب جميل ،،
تحمست اخذ الدوره مع ناس ما اعرفهم مره و لا اعرفهم بالاسم
بعدها رجعنا للعمل نسلم ع البنات و نودع وحده منهم ،،
انا جيتهم طااااايررره مقطعني الحماس
،، مشكلتي الحماس عندي اوفر ،،
احيان ما ودي اتحمس عشان ما يخرب برستيجي خخخ ،، بس يخرب
الشيء اللي سمعته من وحده اليوم و ضحكني خخ ،، مدري هو زين و الا شين
قالت لي يووووه عرفت مين تذكريني فيه اليوم لانها لاول مره تشوفني بهذا الحماس بحكم انها جديده علينا ..
قالت تذكريني ب تويتي
قلت : من جدك ،، ليه تويتي خخ ،،
للامانه عجبني تشبيهها خخخ بس للحين مدري ليه ،،
اجمل شيء بالحياه ، تعيشونها لحظه ب لحظه ،،
