(21)

غضب في غير مكانه، أو بالأصح لا يحق لك الغضب من أمك••

فتاة تقول/حتى انا أكره امي واتمنى اني من ملجأ ):

تكتب لك ابنتي نورة رسالة من دور الأيتام :

انتي تحكي انك تتمني انك من ملجأ صح ؟ وتكرهي امك صح ؟ انا اتمنى ربع اللي عندك تحكي لي عندي فلوس ؟ عندي اي شي ابيه ؟ ايه الحمد لله اي شي ابيه احصله واي شي أبيه اجيبه لكن والله الذي لا اله الا هو انك لما تعيشي ربع حياتنا بس يوم واحد بس راح تندمي كثير انك تمنيتي هالشي استغفري ربك انا كل يوم بمعاناة الفلوس ايش تسوي ؟ اتمنى لو اني فقيره بس اهم شي عندي ام وأب عندي عم خال أقارب اعايد معهم افرح معهم انتي لو تستوعبي قد ايش نخسر علاقات كثيره بمجرد مايعرفوا اننا من ملجأ اكتب لك ودموعي كل شوي تزيد جالسه اكتب بحرقه وغصه مايعلم فيها الا الله بمجرد ما يجيك فذف ويشككوك باصلك مجرد ما انك تعيشي بزنزانه مع ان كل شي متوفر لكن مهما كان راح تحسي بغصة لما يجي العيد وأهلك مو حولك لما تنجحي ولا احد يفرح لك انتي لاتشوفي امك ايش سوت شوفي الجانب الثاني هذي مهما كان امك انا اتمنى ام لو انها معيشتني بعذاب احسد اي احد يقدر يقول يمه يبه انا ماعمري جربتها ابد ولا راح اجربها بملجأ؟ معناه ان الكل راح ينبذك مهما تكلمت ما اقدر اعبر حجم الالم اللي بداخلي يكفي اذا سألوك انتي بنت مين تقولين اسم ابوك شفتي هذا السؤال الصغير قد ايش يسبب لي الم ومعاناة يمه يبه هذي اصغر كلمه عندكم لكن انا بالنسبه لي شي غير احمدي ربك ماعشتي اللي عشناه هذا غير المشرفات اللي يكرهونا عيشتنا كل شي بالملجا غير علشان كذا راجعي ربك وراجعي كلامك هذي امك امكككك علشان قالت لك كم شغله قلتي اكرهها!!!! اما اتمنى اني بملجأ الله يسامحك يارب ولا يذوقك اللي ذقناه ومهما تكلمت مايقدر اعرف ارد لاني والله اكتب بألم بين كل كلمه واكلمه اكتبها شهقه تطلع مني غصب عني انا من ملجأ بس ماعندي حتى صديقات وانتي ربي أعطاك احسن صديقه اللي هي امك شوفي نفسك وانتي صغيره يكفي انها سهرت عليك ضمتك شمتك طفولتك كلها لعب بين اقاربك انا طفولتي كلها ضرب بضرب وتساؤلات الله يهديك يارب :"