حيااااتي إنتي

لا تقلقين و لا تعصبين
أنا ما أحب فترة الخطوبة تطول لهذا السبب

إنتي تشوشين عليه و على مستقبلك بسبب عواطفك
ببداية الحب و مشاعرك متعطشة و تحبين تلقين الاهتمام و الدلال

زوجك يحبك كثير لكنه مو من النوع الرومانسي ، يعني مو حالم
شخص واقعي جداً

حبه من نظره يثبته لك بالأفعال

هو قال لك أنا مشغول عشان اهلي و عشانك
أبني لك بيت ، أكدح أتعب مضغوووط


بنظره هذا العطاء اللي يدل على الحب ، انظري لعطاءه و لو حابة تكوني قريبة أكثر منه أمدحي كفاحه و كرمه و شخصيته كرجل حقيقي

إن شاء الله هو لما تخف ضغوطاته راح يتغير ، بيسأل عنك دايماً

على فكرة زوجك من النوع اللي يحب هو يسأل عنك مو إنتي تسألين عنه
خليك هالفترة مقلله اهتمام ، و بتشوفين كيف راح يفقد اهتمامك و يجيك
لا تغازليه بطريقة مباشرة و لا تكثري العتب ... لأن هالنوع من الرجال ما يحب العتب و التشره
و العتب في العواطف و الحب بالنسبه له كلام فارغ ما يفهمه بطريقتك

عموماً طالما هو مخصص وقت بشكل يومي عشان يكلمك و يسأل عنك و يسولف معك فهذا شي جيد جداً
يكفي إنك تطمني عليه و يطمن عليك

بعد الزواج تقدري تعلميه على أسلوبك

و صدقيني بس يرتاح باله من الضغوطات راح يكون رومانسي معك أكثر
مو بالدرجة اللي تحلمين فيها لكن بيكون مرتاح و يبادلك الكلام ان شاء الله

لأن زوجك رجل عملي يحب الاستقلالية
يحب الحرية ، يعني لا تتخيلي انه بيجلس جنبك 24 ساعة بالغزل و الغرام و الحب
كذا نمطه ، حبيه على طريقته هالفترة .. لما يفقدك و يسأل عنك قولي له كنت منشغله بقراءة كتاب ، برسمة بكتابة
بأي شي تحبيه و تمارسيه

لأنه يحب يشوفك مستقلة و لك كيانك مثل ما يحب كيانه و استقلاليته

الله يسعدك أتمنى أكون أفدتك حبيبتي
و هونيها و إن شاء الله هالصعوبة تعدي يا قلبي

الله يحفظك