وعليكم السلام ورحمة الله وبركاته
الحمد لله بخير انتي كيفك عساك بخير يارب
تفضلي فضفضي فقلبي وعقلي معك وقد اقلب عليك

مبروك الملكه عقبال تلبسي الابيض وتطلي زي الحمامه وتعيشي بسلام مع زوجك

من قبل لايخطبك حلو
انتي عارفه المشكله اللي قبلك وش مزعلها زوجها مايقولها احبك ..!!
وانتي ماشاء الله تبين سوالفكم تكون عن البنايه يعني قلبتي الرجال مهندس معماري
وممكن لو انه يتكلم في كل مره يشوفك عن البنايه بتقولي مثلها
زوجي كل سوالفه عن البيت ممل وطفشني وكرهني في البيت قبل اشوفه

اللحين كل همك يقولك ي زوجتي كيف ابني البيت ..!!!
بالله عليك هذا امر يستدعي الاهميه
ام انتي تحبين تدورين لك مشكله وهميه تجلسي تتسلي فيها
لانو مستحيل في بنت ع وجه الارض الان ماتعرف ان البيت يكون مخطط يتقيد به العمال
اللحين افترضنا قلك
ي زوجتي كيف ببني البيت
امانه بالله عليك وش بتجاوبي جاوبيني والله خاطري اعرف جوابك

اقولك اجابه اتوقعها منك اللي يريحك حبيبي مدري كذا اتوقع انا الا اذا جاوبتيني وقتها اغير اقتناعي

اه ي قلبي
اللحين هو قالك البيت كله عليك الا الخاصه بالرجال يعني مالك دخل فيها لاستقبال الرجال وليس النساء
هم بعد تبين تختارينها انتي
الحياه الزوجيه مشاركه وانا اشوف هو شاركك لانه ترك لك البيت كله ع ذوقك الا الخاصه بالرجال
ع ذوقهم اباااااااو تبينها كلها ع ذوقك
يعني يرضيك يخلي البيت كله ع ذوقه ويحرمك من هذا الشيء وقتها وش بتسوي

قل هو الله احد فرضنا استشارك بغرفة الحريم والمجلس
وانتي تقولي هو يبني من قبل مايعرفك اقصد يخطبك
يعني وش بيسوي باستشارتك بيجيب خيزرانه ويحط ع راسها نجمه ويطق بها المجلس حق الحريم
ويقول الاكدابرا ياغرفه تعالي هنا الاكزام يمجلس روح هنا

هي وحده من الثنتين يا انتي تستغبين او انك بالفعل تستغبين

وبما انها وحده من الثنتين فاذا قلتي له ماتستاهلني ..!!
فقسم بالله انتي ماتستاهليه لانك تدوري المشاكل وتجيبيها لنفسك وتوهمي نفسك ان المنزل
يصنع بالحديث والاستشاره
بيكون جوابه لو قلتي عبارتك له عباره واحده ( انتي اللي ماتستاهليني ) وقد تكون سبب طلاقك
والمنزل يتحول لغيرك

لذلك اتركي امور البيت عليه وهو قالك مفاجئه فلاتتركيها تتحول لفاجعه واقبلي بها
في حينها ولجل يتطمن بالك ارسلي اخوك وقت يكون عندك
يصور لك البيت فديو وعيني له وطمني قلبك
ولا من شاف ولا من دري

تقبلي ردي وعبق وردي مع خالص احترامي
آسيرة حرف