الناس مع الناس قضاية وطـــر
والكل قيمة ما يجيه من إحتياج
وأول سطر ما هو مثل آخر سطر
الأول أبـــدأ لكن الآخـــر نـــتاج
والماء من يدينك حلو لو هو قطر
ونهراً على يد ماهي بيدّك هماج
وكل شيء ممكن يسبّب لك خطر!!
لمآ اتعامل مع مبادئـــك بمـــزاج
والانثى للرجّـــال زجاجـــة عطــــر
واحد يبي العطر واحد يبي الزجاج
والشعر إذا ما شدّك من أول شطـر؟
كلام لا يكنـــى ولا فيـــه إزدواج
الآدمـــي على الأضاديــد إنفطــر
لــذلك الله ســنّ للنــاس الزواج
من أجمل الاشياء في الدنيا المطــر
ومن أبشع الأشياء في الدنيا العجاج
لـ فيلسوف الشعر سعد علوش