_



وش الدنيا بليّاك
باهته ومالها معنى
كأني على آخر حرف منك
خذوا مني أنفاسي وانطفيت
أخاف أحكي لك
و أنبش جروحي ولا تبرى
ومن خوفي ولا لحظة
سلّمت لدنيتي
ولا لحظه صدّقت هالفرقى
ضحكت وقلت بنام
بنام ..
وتجيني مع بكرا
صحيت ودموعي
صحت قبلي
تدّور في ثنايا الصبح
لا حرف لا صوت
غير فراغ يدّي
فراغ يكبر
ويكبر وأضيع
وتروح أنفاس
وأشهق ولا ترجع
.
.
بتسأل ..
أسأل الخوف كيف ياخذني
طفل
وياخذك مني
ولا يرحم
بتسأل ..
أسأل داخلي المحروق
وشلون مره عام
وكل ليله يشتعل قلبه
ولا ليله
و لا ليله انطفى جمره
.
.
وتجيني اليوم
وتسألني عن حالي ?
شف عيوني
ورجفة يديني
وانخطاف اللون
وضياع أبسط تعابيري
شف الكون
كيف رجع يزهر
ويتنفس في شراييني
.
.
تسألني عن حالي ?
أخذ ربي الروح من عام
و رجعت لي اليوم
هذا هو حالي .