صباحكم نكبه من نكبات الحياه
ببثركم بالسواليف لين ما أروح البيت
طبعا صحيت وكلي نشاط وأخر روقان أنا صليت الفجر من هنا وطلعت برى ع المساحه من هنا
مراقبة الشروق أمر جدا جميل
وفكرت بفكره وأنا إذا فكرت الأحسن محد ياخذ بفكرتي عشان ماينتكب
.gif ":فطسه:")
المهم ياجماعة الخير أخوي الصغير محروم من السياقه عشانه يسرع عليه حظر تجول مفروض عليه من أخوي الكبير
يعني حده يودي أختي المدرسه ويرجع وإن طلع لازم أحد معه
.
ف تخيلو أنا إيش سويت؟ رحت أقنعو يمشيني ولامن شاف ولامن درى وزينت لو الشغله كما يزين إبليس الغلط
المهم وطلعنا من البيت بسلام
والنشبه أني خليتو يودينا محافظات بعيده عنا ولاحسبنا حساب البنزين فجأه قرب يطفى والورطه أن ماكان معنا ولا هلله لأنا معتمدين ع الصرافه
والصرافات اللي عطلانه واللي معلقه واللي فاضيه
هههههههههههههههه أخوي صار يلطم وأنا أضحك
والمهم دجينا بها لمحافظه أبعد يمكن نلقى صرافه
وأخيرا لقينا بس كانت زحمه المهم صفت سيارتنا الحبوبه معاهم طابور وأخيرا صرفنا وعبينا بنزين
*
والمهم مشينا راجعين بسلام طفت السياره هههههههههههه تدرون وين طفت؟ في الشارع اللي ضيق مدري شسمه ذاك اللي حق سياره يمين والشارع الثاني لليسار أنخفض عليه السكر مسكين هذا وغير أنه مافطر ومتوتر للأخر
المهم صفطنا ع اليمين غصب ولقينا واحد نشمي الله يجزاه خير وقف يساعده بالشمس
تقريبا هذا الشي أشوفه نادر أن أحد ينزل يساعد أي متعطل وخاصه الصبح قرب الظهر شعب تلوع
المهم سحب سيارتنا معاه للورشه وكانت بمحافظه أبعد وهناك تزاحمو أهل الورش تو أدري أن بو عالم نصابه
يتعازمون مين يصلح السياره بقيمه أكبر باقي شوي ويتهاوشون
وصلحوها له مع أن مافيها شيء ونصب عليهم أخوي قالهم بروح أصرف وأرجع وخرج ولم يعد
وأخيرا أستقرينا وضبطت أمورنا وأخذنا فطور ألتفت لي أخوي بكل حنان قالي تدرين أنك نكبه؟ ههههههههههههههه
*
الحين أحنا رايحين نسرق أختي من مدرستها وأنا بالطريق تحسبوني خلاص عقلت
لا والله إلا وجتني فكره حديثة اللحظه
وكأن بي أرى إبليس يولي مني هاربا :8:
*
*
تدرون الغريب أن ع كثر النكبات اللي تجيه مني إلا أنه مازال مطيع ويسمع الكلام الله يكثر من أمثاله