السلام عليكم بقولكم قصتي فيني يآس وهم فظيع ومو طبيعي
تعبت والله ع اشياء ماتسوى
بقولكم قصتي
انا بنت عمري 25 سنه داخله 26 بعد شهرين كذاً ، اذا الله أحياني مشكلتي ماقد انخطبت بحياتي كلهاااااا وماشاء الله عندي 4 خوات وراي اعمارهم 21-19-17
ماشاء الله بسن الخطوبه والملكه ، المهم ماقد انخطبنا آبد ولا وحده فينا ،😢 والله مافينا شي كاملات والكامل الله ومحافظات وملتزمات وخلوقات ، اللي حصل يوم كنت جالسه الا رن جواليّ الا تتصل صديقتي وكيفك اخبارك وشمسويهه ووو، قالت لي معاي لك عريس صاحب زوجي وكويس واخلاق ويبي الزواج ودليتهم عليك لان طالبين مثل مواصفاتك ، والله ي فلانه ابي الخيرلك وش قلتي واهله قالوا دوري وهو قال لزوجي خل تدور لي زوجتك بحكم اننامحافظين وهم كذلك والولد ماشاء الله تقول زوجي واخواني يمدحونه والله ولو عندي اخت عطيته اياها وانتي والله بحسبة خواتي
موظف وظيفه حلوه ومسؤول عن اهله وبار بااهله من كلام صديقتي لان جيرانهم بعدد.
وفرحت والله وانبسطت لان كنت ادعي الله قبل فتره بشخص من غير منطقتنا ، وكذا
جيت فاتحت أمي لانها تعرف صديقتي ذي
قالت لا مانعرف اهله وليه ماياخذ من اقاربه اكيد فيه بلى اكيد هو مسؤول عن امه وخواته
وبيطفشوك بعدين ، والافضل الوحده تتزوج من نفس مدينتها للعلم احنا عادي مو شرط من نفس القبيبه ، ومين بيروح للشرقيه ويسأل عنه وقبيلته مادخلت راسي
وربي صُعقت انا فتاه تريد الزواج خلصت الجامعه وجالسه وكل الناس تتزوج وتخلف والزواج رغبتي وكمان ساكن بمدينه الشرقيه واتمنى اسكن فيها والله شاب ونعم فيه....
فيني حررررقه الآن وربي لماذا هذه الاعذار الغريبه والمعقده ، اقسم بالله امي غريبه تريدني فقط اتوظف واصرف ع البيت انا تعبت ابي استقل ابي اطفال
لو ان الرجل فيه عيب كان انا من نفسي ماوافقت عليه وحتى اخته قالت لصديقتي اعطينا رقمهم ونكلمهم. ان شاء الله ..... ماذا افعل؟؟