مساء التعب والأرق

.
.
اليوم غريب بكل مافيه أبتدأ غريبا وأنتهى أغرب

الظهر تهاوشنا وقسيت عليهم بالكلام بنيتي أن هذا الشيء لمصلحتهم باكر يكبرون ويفهمون مقصدي

ويمكن أهم شافوه من منظر ثاني أني جرحتهم ومن هالمشاعر

طبعا ومن أكبر عيوبي أني أسكت لكن لمن أتكلم أصارح بكلام يجرح كني أعطيهم الحقيقه مجرده من أي بهرجه
والغلط عندي أصدمهم فيه لأني ما أمتلك حنيتهم ومشاعرهم لأني للأسف ذات قلب ميت

أحب أسكت لأني تخوفني هذي الأيه "وقل لعبادي يقولوا التي هي أحسن إن الشيطان ينزغ بينهم"
.
.

الشيء العجيب أن العصر وحده أهدتني قطه شيرازيه

ولازم أروح أجيبها وأمي رافضه أجيبها

لكن رحت ولمن أخذتها سبحان من زرع محبتهم في قلبي نسيت كل شيء نسيت ضيقي نسيت هموم الدنيا أجمعين

حتى أمي حبتها وأخواني حبوها الحمدلله زالت الغمامه هههههه

المغرب يافرحة ئلبي سميتها ميسو

العشاء بعد العشى رحت أتقضى لها كنت فرحانه وودي آطير من الفرحه << نسيت أن طاري الطيور تنزف جروح الئلب

أنا مستغربه فزعتهم معي ندور بالسوبر ندور الأكل الشامبو ولفينا المولات ندور بيت ومسكن وسرير وألعاب ههههههههه

ع أنها حلوه وأخذت قليبي ألا أنها مزعجه وما خلتني أرقد


وكل ما نامت فرحت وقلت جا الفرج تنام حبتين وصحت تبيني ألعب معها تتغلى عليه

والحين صحت ياليل الشقى

.
.

أحس برجفه لأني شايله بقلبي كثير أحس بكتمه وغصه

ماعرفت أقول أو أفضفض حتى الورق صرت أمسك القلم ومدري إيش أكتب



بنتي صحت الله يعين بروح ألعب معها كود ترقد

.
.
يالله أجعل همومنا تكفيرا لذنوبنا