11-13-16, 10:41 AM
|
#10 |
| اترك أثر طيب | | | | | | | | | | | | | | | | | | | | | | | | | | | | | | | 
السلام عليكم أختي الكريمة
الدنيا منقطعة تعرفي ليش؟
شوفي اللي يجمع المال يجيله يوم ويخسر أو يزيد ماله ولما يموت ينقطع جمعه ويرثه غيره .
يحب الإنسان الشيء بجنون ولما يملكه ينقص الحب حتى يصير مألوف وممل ويبدأ يفكر في التغيير.
كان الحارث بن عباد رجل حكيم ولكن لما صار شايب قامت زوجته تحب واحد ثاني فلما أحس بهالشعور طلقها .
لما تزوجها اللي يحبها زار ابن عباد بعد شهور يبغى يخبره أن الحرمه مرتاحه معه وأنه كان يظلمها .
ابن عباد حكيم فقال كلمات صارت مثل وحكمة للعرب: ("عِشْ رجبًا ترَ عجبًا")
يعني عش معها كم سنه وراح تشوف لأنها كانت مرتاحه معي فبداية الزواج ولكنها تغيرت .
الحين إنتي بدل ما تفتخري بهالزوج اللي ما عنده وقت يدلعك قبل ما يتم الزواج الرسمي قمتي تكتبي العنوان كرهت زوجي ؟
بصراحة ما عطيتيه حقه يا بنت الحلال.
الرجال حذف رقمك لإنك مسويه فيلم هندي بكل ما فيه من رومنسيه وأمطار ورجال شرطة اللي يجون بعد انتهاء المشاكل .
حني على الرجال شوي ووفري كلمات الغزل لبعد الزواج ترا يا وخيتي الغرام ما يدوم إلا بالتفاهم وإنتي وشبابك محل اهتمام عند هالزوج الرزين اللي يعرف قيمة الكلام والأفعال.
عشان أكون أكثر صراحة معك وأنا أبتسم -هالأسلوب اللي عندك مجرد دلع ما قبل الزواج -
بصراحة لو كانت أختي وقالت قدامي هالكلام عن زوجها بجيب قوطي صلصل وأحطه على راسها وأقولها روحي صلي ركعتين شكر ترا الله رزقك سعادة الدنيا ما بقى إلا سعادة الآخرة والله يجمعكم في الجنة .
صدقيني والله هالرجال كفؤ فحافظي عليه الله يسعدك
|
|
|
 |