11-14-16, 07:37 PM
|
#60 |
| | | | | | | | | | | | | | | | | | | | | | | | | | |
"يابوي فقدتك بالحيل بالحيل"
يبه بنتك بالحيل تعبانه ، أناظر رجفة يديني
أهز راسي أطير كل الأفكار
يبه اليوم أنكسرت من أكثر ناس كنت تثق فيهم
يبه فقدت الكلام وكل شيء تلاشى
توجهت أصابع الأتهام حولي من أحب العالمين لقلبي وقلبك
يبه الدنيا سوده بعيني والوحوش كثار
المنافقين بكل مكان والأقنعه المتساقطه تخوف
الوجيه الطيبه اللي أحبها لأول مره أشوفها تكشر لي بأنيابها
يبه ياليتك ماضيعت مستقبلي يوم كنت أبكيلك وأشكيلك الحال
يبه رحت وأرتحت من الدنيا
لكني ما أرتحت بنتك دلوعتك صارت حطام
حتى الماضي الجميل تشوه بعيني
أنا مصدومه أو مقهوره لا شيء أعجز عن وصفه
يبه هذي مو خيبه وخذلان لا شعور غريب
شعور مر طعمه لكن ماينوصف شكله
شعور تنزف له القلوب
يبه وأدري ما بيوصلك صوتي
ولا تدري عن نوح قلبي ولا تدري بحياتي كيف صارت من بعدك
لكنك تجيني بالحلم تواسيني
يبه أنت تحس فيني ولا هذا حديث نفس
.
مهما كان تعبت ومليت وفقدت صبري
ياربي صبرني بعدد أيام الأبتلاء صبرني
ع كل قضاء صبرني ع الحياه صبرني ع ضعف قوتي
يارب ومن غيرك أشكيله الحال
.
.
.
"اللهم أحيني ماكانت الحياه خيرا لي وتوفني ماكانت الوفاه خيرا لي "
|
|
|
 |