السلام عليكم ورحمة الله وبركاته

انا الكبيره في اخواتي
تقدم لي ولد خالي
لكن كان عنده مشكله بالجهاز البولي
ورفضته بسسبب مرضه
ولما رفضته
مااخفيكم لقيت ضغط نفسي من ابوي
كان يجي يفتش جوالي
ويقولي انا شايل همك
وكان يبيني اتزوج
لدرجة انو ظل يقنعني اتزوج هالولد حتى وهو مريض
ولكن انا رفضت بالمره
بعد مارفضته
ابوي كان مهموم مره
وكان ضاغط علي نفسيا
يسحب جوالي كل يوم قبل ماينام
للمعلوميه
ماكان كذا قبل انخطب
بس بعد مانخطبت ورفضت الولد
تغير مره ابوي
وانا تعبت نفسيا
وبعد بكم شهر خطبني ولد خالي الثاني
يصير ولد عم الاول
وهو رجال متدين
واخلاقه زينه
وطيب وحبوب
ومااسمع عنه الا كل خير
ووافقت عليه
وموافقتي مااخفيكم كانت عشان افتك من ضغط ابوي اانفسي
بعد ماانخطبت ابوي انبسسسسط مره
وكان مستانس وسعيد
لدرجة اي شي اطلبه يلبيه لي
واشترا لي اخر جوال نزل
وكانت طلباتي اوامر
وكنت مبسوطه من هالوضع
ومااخفيكم اني ارتحت للرجال مع اني خبري فيه وانا بزر
بس كنت مستانسه وكان مبين علي
بعد الملكه كان الرجال مهمل شوي معي
مايسال عني ولا يكلمني كثير
واذا كلمته وسالت عنه تكون اجاباته مختصره
تضايقت من هالشي
لان كل البنات بوقت الملكه
يعيشون احلا ايام حياتهم
وكنت اسمع قصص ومواقف
وكنت اتحسر
لكن قلت بعد الزواج ان شاءالله يتحسن الوضع
تزوجت وانزفيت وكنت مبسوطه مره
لكن من اول ليله الرجال تركني بفستاني وتسريحتي ومكياجي ودخل ينام
من غير اي كلمه حلوه
ومن غير حتى يجيب لي عشا
ولا زين لي البيت بالورد والشموع ولا حسسني اني عروسته
كل الاشياء اللي كنت اسمع عنها ماشفتها
وبنفس الوقت هو تزوج هو واخوه بنفس الليله
والشقق جنب بعض
اخوه كان فارش شقته من المدخل
لين غرفة النوم
ورود وشموع وبلونات ع شكل اسماء
وتخيلوا وانا ولا شي
وفوق كل هذا ميته جوع
جلست ابكييي من قلب
ونزلت فستاني وتسريحتي بنفسي
ونمت
وعدت ايام شهر العسل
ومااخفيكم كنت حاسه بينا جدران مو جدار
لكن كل يوم اقول بكرا بيزين الوضع بكرا بيزين الوضع
لين الحين صارلنا تقريبا 5 شهور متزوجين
زوجة اخوه حامل
وتخيلوا انا لسى بنت اصلن
وامثل على الناس اني مرتاحه واني اموري كويسه
وامثل على اهلي لان ماابي اضيق صدورهم
لين اليوم وانا نفسيتي في انهيار
مكتئبه
صابره كل هالايام
وابكي ع السرير جنبه ويسمع صوتي يقولي ابغى انام اسكتي
ولا يسالني وشفيك ولا شي
انا مثل الجدار في حياته
يروح الدوام ويروح لااصحابه ويرجع ينام
حتى ملابسه مايخليني اغسلها
واذا سويت اكل
يطلع فيه مليون عيب
ولا بحياتي اسوي شي ويعجبه
بس اليوم انا تعبانه نفسيا
مقدر اعيش مع رجال
يعاملني بهالطريقه
افكر بالطلاق
لكن خايفه من ردة فعل ابوي