ابا انشد المفتين ويا رب .... يفتون
عن اللي مر وبالملا حفني ..... حف
انا شريك بالجناية ومجنون ...... ؟
والا احتسبها عند ربي ثم ..... اكف
هاتوا الجواب وعجلوا وش تقولون
جف القلم والدم في عرقنا .... جف
هي تحسب اني بالهوى دوم مفتون
ما تدري اني تبت وما لي بها .. شف
يا ما طردناهن على روض . وعيون
ويا ما اقبلن مثل المها صفهن صف
اللي تطالعني بعين لها ........... لون
عين الحرار اللي شلع يتبع .... الرف
شاف الحمام وشاف رفه . يموجون
اقلع صعود ولفهن مخلبه .........لف
واللي تطالعني وتمشي على . الهون
تشكي من ثقل بالردايف ..... مردف
واللي تمشى دونهن مشيها ..... دون
مشي القطاة اللي تخطى ... وتهدف
يالله دخيلك خالقي تلهم ...... العون
ربي تساعدني ابي اتوب ...... واعف
القارظ العنزي