[







يمه يايمه..... دخيلك لا تخليني
محتاج قربك وحضنك يابعد ناسي..
محتاج عطفك ..دخيل الله ضميني
لاتتركيني لدنيــــــــــا قلــــــــــبها قاسي.
يالغاليه ....بشوق جيتك لاترديني
جيتك وخطوات رجلي تسبق أنفاسي
محتاجلك ...حيل ومحتاجك تلميني
من قسوة الوقت ومن تعذيبه القاسي.
أبي بعيونك... عن احزاني تشيليني
وأبي حنانك...... وكلماتك تغطيني
وأبي أحس بشعور... منك يكسيني
عطف ومحبه وحنان ٍ دون مقياسي..
يمه كبرت...... وكبر هم الزمن فيني
ومن لوعة الوقت قلبي عايش يقاسي..
محتاج حضــنك.... بالله لاتلوميني
محتاج اعاود طفوله كلها أوناسي...
برّجع الوقت.... وانسي اللي معنيني
يومي صغير وحنانك مالي عليه حياتي
يمه ذكرت..... الزمان المــاضي بعيني
ماضي الطفوله السعيده وروعة إحساسي
كم كنت.... أضمك وكم مره حضنتيني
وكم نام راسي على صدرك وهو ناسي...
وكم كنتي.... تبكين من فكر يبكيني
وياما وياما...... سهرتيلي تواسيني
وكم كان حضنك عن الخلان يغنيني..
وكم كان عشقك لفرحي ماله قياسي.
الله ياذاك. الزمـــــان شقــد يحيـيني
ليته يعود.. وتعوووود أفراح أيامي
ياليتني ....ماكبرت ولاقسى ليني
وبقيت طفلٍ همومه لعب وأكياااسي.
يالغاليه.. جيت لك شوقي يقديني
كبير لكن بقربك يصغر إحساااااسي
يمه يايمه.... أنا بــنيتك تحبـــيني.
أدري وربي ولكن بقهره يــأسي..
بحطم الحزن ..فيني وأقهر سنيني
وبقول للهم "ياقلب العنى ناسي.
بنسى.. عذابي بحضنك لاتهديني
من بعد حضنك يزيد الهم وقاسي
لاتتركيني.. وضمي يديك ليديني..
لمسة كفوفك تبدد قسوة أتعاسي.
ياأعز ناسي وياكل الكون في عيني
يفداك عمري وروحي وكل مغليني
ياأغلى غرام ربى داخــل شراييني
وياأعذب شعور ٍ سكني وياأجمل إحساسي...