ابتدا الصيف
والصيف ان بدا فيه عاده
قلة الوصل و الضيقة وبعد الحبايب
آه يا قلبي الي فارقته السعادة
كل ما قلت طاب اظن ماهو طايب
لا تذكر هوا باله وغاية مراده
هذا لو كان بالشدات ما هو بهايب
لكن البعد مثل الموت لا جا حصاده
ماترده سموم ولا ترده نوايب
ليت محبوب قلبي ما يغادر بلاده
ونجتمع ماعلينا من سموم الهبايب
اتصبر على الفرقا ومالي جلاده
واتعزز وانا قلبي من البعد ذايب
لا تلومون قلبي يوم عاش النكاده
ولا تقولون كثر الدمع ماله سبايب
صدرولي بعد فرقا حبيبي شهاده
بعد فرقاه مالي غير عوج النصايب