نجم ضاوي بالله رب ...... العلمين
خلنا نتوب من عقب ....... الجنون
ياما وياما وحولنا ابليس ... اللعين
يتبع المفتون ويسدد ......... ديون
يا بو ضاوي لو تشوف الحور العين
ما تلوم القلب لو يعبد ........ فتون
شوفها يا خوك علاج ....... للحزين
اللي علاجه في حبيب له.... يمون
مانت وحطت على عرق .... الوتين
وشمها اللي شعشع في نور العيون
لا نحيف بالبدن ولا ............ بدين
قدها الممشوق وخصره لونه .. لون
رمشها اللي كنه غيمة ...... غيمتين
ظلل المجمول عن ناس ....... يبون
يمسح خد للنشاما ......... العاشقين
وخشمه سلة سيف يذبح لا ... تهون
واللي يركز بالصدر ......... تفاحتين
ينثر المجدول فوقك ...... والمزون
والنفس يا خوي مسك .... الشفتين
وان بغينا نرتوي قالوا ......... بهون
ليلنا طويل وحنا ............. مهتنين
وعشقنا يا سيدي ما به ...... مجون
كان مرك فوق هذا .......... يالفطين
خبرتك من خبرتك هات ..... الفنون