لامن هانت العشرة وغدت كل الوجيه أجناب
ولامن ضاعت النخوة نعاف الوقت وأيامه

ليه الناس تنسى الناس ليه الطيب فينا خاب
ليه نعيش نكره بعض وكل يرفع الهامه

تفرقنا مشاكلنا غدينا للأسف أحزاب
كل يجرح الثاني ويدوس أخوه بأقدامه

ترى الله مادعى الجفوة بين الأهل والأقراب
حسوا يا بشر بالله كل ياصل أرحامه

ألا يا لله سامحنا خلقنا للذنوب أسباب
خطينا بحق واجبنا عمانا الوقت بأنعامه

سجدنا ولك نواظرنا تهل دموعها سكاب
شبعنا هموم يا ربي تعين قلوب منظامه

تعالي يا وجيه الخير نفتح للمحبة باب
ترى الأعمار لو طالت أبد ماهي بدوامه..