هلا هلا بك يا عميد ...... الوفيين
يالمحترف بالقاف وايضا .. عميدة
اللهم يا رب وامين .......... وامين
على ما قلت يالذيب وايضا نزيده
يا سيدي غديت بين ... الشياطين
انس وجن بالبرايا .......... شديدة
قريت انا القران يس ....... والتين
الجن هجت والاوادم ....... عنيدة
انا بلاي ياخوك من يكحل .. العين
قام يتبختر والاواصر ...... بعيدة
لو كانت بنت العم ما قلت انا شين
مير البلا من ناس ما هي . سديدة
زادت علي اشوين من زود قرشين
يلعن زمان عزها وهي ....... بليدة
ابانتحر ياخوك قبل ...... الديايين
وقبل يجيني واحد ...... ما نريده
وان ما لقيتوا جثتي ... بالعمودين
يمكن تلاقي نعينا ........ بالجريدة
اسلم وسلم لي على كل ..... غالين
اللي معك بالمسك والا ..... بنديده
وبلغهم اني في ديار ...... البعيدين
وكل السوالف يا عزيزي .... حميدة