العمر يذبل يالوجيه المفاليح
ولابد مايابس ويسقط ورقنا
أوضاعنا تحتاج توبه وتصليح
توبة نصوح إن كان ربي رزقنا
والقبر حفره والنصايب صلافيح
والدور لو يبطي علينا لحقنا
حنا بها الدنيا سوات السبابيح
أما سبحنا صح ..وألا غرقنا
أحد(ن) يعوم ويأخذ شوي ويطيح
وأحد(ن) وصل بر الأمان وسبقنا
الشعر به حكمة وللنفس ترويح
ويالله عسانا يوم قلنا صدقنا
الحر يفهم يوم نعطيه تلميح
والصنف الآخر يجهل اللي طرقنا