الله من قلب تصارع ........ خوافيه
مادري علام القلب مادري .... علاما
قلبي يحب الخير والخير .....طاريه
مير الاوادم مشتهين ....... الخصاما
وجهة نظر يا حبكم ........ للمشاريه
متى توفون وتتركون ........ الملاما
صحصح معي ثم اترك اللوم يا هيه
كثر الملامة ما تعيد ......... الحطاما
لو صابك اللي صابني قلت ... ما بيه
تسهر عيونك ما تذوق ......... المناما
تسهر كما يسهر مع الليل ....... راعيه
اللي غدن به مبهمات .......... الغراما
وتعول عويل الذيب جوعه سطا فيه
افخت عشاه وحظبوا به ...... اشماما
وتنوح بصوت الورق يزعج ... مغانيه
تنوح بنوحه راعبي ............ الحماما
انا اللي شلت الهم والجرح .... مخفيه
والا انت وش عندك يا غير .... الكلاما
وش عرفك للحب وش عرفك ..... بيه
خلك على دنياك وانس .......... الهياما
الحب يبغى له قلوب ............. تراعيه
تسقي ازروعه لا يموت ........... بعلاما
والحب يبغى له اوادم ............ اتباريه
تحفظ هواه من البشر ما ........... تناما
والا تساقط الغلا وراح ............ مغليه
ولا ينفع المحموم كثر ........... الصياما

القارظ العنزي