انا انسان مع نفسي قبل لا اكون معاك انسان
ولي مبدأ ولي نظره وتحكمني قناعاتي
احاسيسي حقيقه ثابته بالوصل والهجران
انا طبعي اذا حبيت احب بكل حالاتي
ولا اجامل باحاسيسي ولا اقبل بالهوى احسان
ولا للمصلحه ياسيدي دور بعلاقاتي
احب الصدق واعمل به كسبته وكنت انا الخسران
ولو صدقي يخسرني يشرفني خساراتي
على كثر الخطأ غافل ولا اغفل غلطه الخوّان
جزاه الصد والفرقا ولو عاندت رغباتي
انا انسان مع نفسي قبل لا اكون معاك انسان
ولي مبدأ ولي نظره وتحكمني قناعاتي
ولو ينسى زماني ما نسيت الشوق والخّلان
رفيق العمر لو يقسى معاناته معانتي
هلا بك يا اصدق شعوري دخل قلبي بلا أستذان
هلا بك يالنصيب اللي نثر وجهه على اوثاقي
احبك والهوى نعمه وحبك نعمه الرحمن
اذا كان الهوى غلطه فحبك كل غلطاتي
انا انسان مع نفسي قبل لا اكون معاك انسان
ولي مبدأ ولي نظره وتحكمني قناعاتي
انا انسان انا انسان انا انسان