أيه احب واعشقه واموت فيه
والقصايـد كلهـا تشتاقـلـه
القصايـد تبتديـه وتنتهـيـه
وكل قـافٍ بالقصيـد يمثلـه
صاحبي بين البشر ماله شبيه
فالظلوع العوج هذا منزلـه
من كثر ماني احبـه وابيـه
احسد الي معه حتـى اهلـه
لو زعل بعت نفسي مشتريه
والله انـه مايهـون زعلـه
ان طلبني حاجتٍ ماقلت ليـه
نعنبو حي الغـرام ومدهلـه
كلبوني لو بغاني بيـن يديـه
حالفن لـو ماصلـه مابدلـه
الفرايد كلهـا لاقـت عليـه
بس ابعرف كيف تقدر تاصله
كل تفكيري ابعرف كيف اجيه
وكان مقـدر اجيـله مشكلـه
ايه احبه واعشقه واموت فيه
والقصايـد كلهـا تشتاقله