منتديات مسك الغلا | al2la.com - عرض مشاركة واحدة

**الخياااال** · 12-13-16, 09:38 AM

علميني في الهوى ياجاهله.. وش تعرفين ؟

لعنبووو قصة غرام كل ابوها كلمتين
ابتدينا عند احبك وانتهينا عند باي

تونا ما بعد مشينا فالهوى لو خطوتين
وانتهى الموضوع كله حتى ماعرف وش خطاي

انتهت قصة حياتي بكل سهوله تحكمين
وين احبك؟وين اريدك؟وين ساكن في حشاي؟

يمكن انك ماوفيتي يوم جيتي تعشقين
ويمكن انك تحسبيني بتبعك من دون راي

ويمكن ااصلا ماعشقتي بس كنتي تلعبين
ويمكن انك ماوصلتي في هواك لمستواي

ويمكن اني ماعرفتك فالحقيقه ويش تبين
ويمكن اني خنت نفسي..يوم أعطيتك وفاي

علميني فالهوى ياجاهله ويش تعرفين
تعرفين انك غديتي (شي)يجري في دماي

علميني فالعطاء والتضحيه ويش تفهمين
لعنبووو حيك عشانك عفت اقرب اقرباي

كنت احطك في عيوني تسرحين وتمرحين
كنت اشيل هموم قلبك وارمي همومي وراي

كنت اطير من السعاده يوم اشوفك تضحكين
لاكنت ذايب في هواك مثل سكر وسط ماي

كنت نايم فالعسل وارسم من الفرحه سنين
كنت اظنك قلب عاشق ماسكن وسطه سواي

ماوعيت الاوانتي في خفوقي تطعنين
ماوعيت الاوسيفك بالحشا....رايح وجاي