مستحيل أسلوبك يتغير!!
لوصبرت أكثر تعبت أكثر وأكثر
ماورى رجوا غلاك إلا السراب
مستحيل أسلوبك بيوم يتغير
لاضما شفتك ولا شفتك سحاب
غصن حبك لاهشيم ولاهو اخضر
فيك شوق وفيك رغبه للغياب
أن طلبتك وصل خطواتك تعذر
وان عطيتك صد كثرت العتاب
صار همي كل يوم منك يكبر
والأمل لامن بنيته فيك خاب
خلنا نرتاح من اقدر وما اقدر
وحيرة تملى شعوري بالعذاب
قلبي اللي لو بنسيانك تأخر
مالقى لاسلوبك الغامض جواب
أنس عرفي مرة أبعد لاتذكر
خاطري بالحيل من رجواك طاب