منتديات مسك الغلا | al2la.com - عرض مشاركة واحدة

**الخياااال** · 12-13-16, 09:46 AM

وينك أناديك ؟!

مشتاق لك بالحيل وينك ؟ أنا ديك

صوتي عجز لا يوصلك .. وأنت غايب !!

يا مالك هالقلب والروح بيديك

ياكل هالعالم وياكل القرايب

يا أجمل شقى شافته عين مغليك

يا أصدق سعادة في زمان العجايب

يا أحلى مودة عشتها دون تشكيك

يا نبض عمري يا أعز الحبايب

في غيبتك كل البشر ما تساويك

محد مسلي خافق فيك ذايب

كلن سأل محتار وش فيك ؟ وش فيك ؟

وش فيه قلبك من هنا العمر طايب ؟

مادروا إن الفرح ملك أياديك

والروح من فرقاك راحت ذهايب

يرضيك هذا الحال ياشوق يرضيك ؟

توقد لك الذكرى بصدري لهايب

حيران فكري بين هذي وهذيك

نسيتني وصارالرجا فيك خايب

وإلا مثل ما أشقاني البعد مشقيك

ومثل دمعي السّكاب دمعك سكايب

أرجيك .. ثم أرجع أرجيك وأرجيك

لا تطول الغيبة واعود الترايب !

لا تقطعه وصلك وأعوّد أناديك

صوتي عجز لا يوصلك وأنت غايب