جرح السحاب
ليل الهوى جابك مع الليل براق
وسال الترف واستعذبتك القريحة
هز الشعور اللي تفاعل بالأشواق
والبرق ساري والسحابه جريحه
والفكر تدفعه الصبابه وينساق
لين ارتوى بأنفاس عطره وريحه
كاس حوى من مبسم الغيد ترياق
به من حلا الحلوة وملح المليحة
سحر تساقا لذته لأهل الأذواق
وأهل الكرم تصبح بمده شحيحه
يا عاذلي بالعذل انا فيك سباق
خذها نصيحه قبل تبدأ النصيحه
عن حيرة اللي يشتكي هم وفراق
ان صد بلوى وان تكلم فضيحه
وجرح الخفوق اللي بالاخلاص خفاق
طيحة جواد ينتهي من مطيحة