يعيش الحب .. في ليلة
أبي جوّك .. وأبي ضوك .. وفنجالك على وجاري !
وهي ليلة .. وأنا خابر مرد العمر في ليلة
ولو جيت أشرب عيونك أهوجس في ظما داري ؟
ترى حكم الهوى يامروعدله ما سبق ميله
وإذا غابت عناويني طلبتك آ خر أعذاري
أحبك عذري الكايد يعين الله على شيله
احبك للفرح بايع كثر ما للعنا شاري !
احبك والجبل راسي ولكن ضيع الحيله
لبست أحلام في باكر وثوبه لو كسا عاري
يجوز أحد من الضيقه يخون الدمع منديله
دخيلك والوعد باكر ترى الفرقا من أقداري
انا ضاقت بي الدنيا ومن اللي غيرك أشكيله
بكيت ولا عرفت أضحك بكت من حزني أوتاري
يقوم الحظ لي مره وهو قاعد على حيله
مشيت وهامت عيوني على نجمة غلا ساري
أصبحها على ضحكة ولو تمسي على ويله
أبي قلبك وابي جوك وابي نارك على ناري
وهي ليلة ولو متنا يعيش الحب .. في ليلة