عطشانتك
متغلية لكن عليك انت ما أظن
ياسيد الدنيا وسيد حياتي
تستاهل أكثر من غلايه بلا من
يا راس مالي بالوجود وغناتي
ان قلت احبك ودي انك تطمن
قلبي يقول اللي تقوله شفاتي
من غير ودك وسط روحي تمكن
من غير صوتك لم باقي شتاتي
دنياك تهوس يعلم الله تجنن
وأنا بروعة عالمك يا حلاتي
أقول ابهرب من جنونك وهوّن
أعرف هروبي من حياتك وفاتي
باقولها في عالي الصوت وأعلن
عطشانتك يادجلتي يا فراتي