أبنسى .. بس .. نسيانك !!
أبنسى .. لازم أنسى .. كيف أبنسى وانتي بعيني
على حد الرموش انتي واشوف الكون بعيانك
اببعد .. لازم أبعد .. كيف اببعد وانتي سنيني
أعيشك يا حياتي والضياع المر عنوانك
عرفتك قبل أعرفك ساكنة في كل تكويني
تغنين بحنان مسكنة في خافق انسانك
خذي مجنون حرفي يا ( ... )..لا..كلي اخذيني
أنا اخاطب جنونك يا ( ... ) وريني جنونك
احس اني بدونك شئ اساسي ناقص فيني
واحس انك بدوني ناقصة وانا على شانك
ابيك وميت فيك وعلى الفرقا تحديني
بذرت الك الوفا واللي حصدته منك جحدانك
انا وشلون اببرى من صوابك وش يداويني
ياليت انك تجودي بالشفا واشفى من ادمانك
شربتك من ضماي وجف وصلك في شراييني
حضنتك بالعيون ومات همي بين ذرعانك
ابنسى .. لازم أنسى ؟ كيف أبنسى وانتي بعيني ؟
تبين الصدق أبنسى .. ايه أبنسى .. بس نسيانك