والله شغف يوم حبك جاني صُدف
كل شي في حياتي لونه إختلف
كنت الفقير اللي همه شربة هوى
وأمسيت بهواك من أهل الترف
وكان الشتا برد وجفا ورعدٍ برق
وقلبي بهواك فى شتاه إلتحف
كنت البكا اللي دمعه حرفٍ حزين
ويا الليالي حبري سال ونزف
وكنت القصيد اللي ماله وزن وبحور
وكنت النشيد اللي ماله لحن إنعزف
ويوم جيتي فى حروفي يا قصيده
كتبتك بإحساس ولا غيري له وصف
حبيتك بشرع الله وأهل السنن
حبيتك بصدق إيمان من أهل السلف
ويوم جيتي في احلامي البريئه
صادق إحساسي من خجوله إنكسف
آه يا حب جاني في احلامي صُدف
واقع حياتي بكل احلامي إعترف
بقلمي: ياسر إبراهيم