منتديات مسك الغلا | al2la.com - عرض مشاركة واحدة - { ...~ إمـِآ حضـﯛر فيـﮧ كل التميـز وإلا بـَلاش من البدآْيـِﮧ حضوريـﮯ !! ...~

**ساري الشوق** · 12-22-16, 10:06 AM

حصل معي موقف ليلة البارح

عزمني خوين لي وقال يالله بعشيك في المملكه المهم تكشخت ولبست وجاهز للمراح ويوم

طلعنا مرينا الجسر المعلق وكنا نسولف عن صاحب الهايلكس وقال خويي تبينا نسوي زيه قلت

محد يمك واضحك منه لاني ماتوقعت بيسويها الخبل >> طبعا سيارتنا جيب ربع واكيد تعرفونه العن من الهايلكس :60:

قام ينتع للموتر لين قام يقطع الموتر تقطيع والناس اللي قام يبقبق عيونه علينا مرتاع وناس لفو عنا وانحاشو من الخوف

واقول له ياولد الناس لاتروعها وتنكبنا مع واحد يوقفنا ويلعن خامسك وخويي مبتل بالتنتيع ويضحك >> ماله علاج هالادمي

لين وصلنا على هاك السيارة كامري مغيمه وطلعت الماخوذه مرور سري >> ماحصلن عشاء ههههههههه

طبعاً خوي عسكري مثلهم بالامن بس في قطاع اخر ومن الساعه ثمان ليلاً حتى الساعه الحادية عشر وربع وحول يعني قعدنا عندهم ثلاث ساعات تقريباً

مع الواسطات والملعنه واختينها مشونا بدون مخالفه او حجز وقمت اسب واطالب خويي >> افكر بالعشاء المملكه

اخر شيء مرينا مطعم بخاري وحبه يابو الحبيب مع تكثير الشطه عقب البرد اللي جانا ولعب فينا وماصدقت عقبها القى فراشي

لاعاد الله من طلعه ليلة البارح هذا ان طلعت معك ثانيه