‏ سلامٌ قولٌ من ربٍ رحيم ع بعض الردود اللي يقولون نقص ترا المكياج مخصص للبنات
وش نقصه اللي تتكلمو عنه الجميله تتمكيج والجيكره تتمكيج انثى والمكياج مخلوق ومصنوع لها مو لغيرها

الفاضله / مشكلتي مهوسة الميك اب

من طبيعة الحال المكياج لم يخلق للشباب وانما للبنات
واللي تقول ماحط ميك اب اخاف ع بشرتي اقولها اهتمي ببشرتك الميك اب مجرد لمسات
تبرز كونك فتاه مقارنه بالشباب تحددي عيونك توقفي رموشك تلوني شفايفك تجملي خدودك
وهذه كلها مايسونها الرجال لذلك تمكيجي دوماً فانتي انثى انيقه ولستي شاب يمسح وجهه ويمشي
الرجال يهتمون بلحيتهم وشنبهم لانها تبرز جمال وجههم
لذلك هو يعاب ان وضع المكياج خل يربي شعر وجهه ازين له لجل يفرق بين كونه فتاه لان اللي وجهه ممسوح بدون شعر
مايفرق عن البنت بملامحها لذلك يهتمون بشعر وجههم لكي يبرزو ملامحهم الشبابيه

يعني حللي الشيء اللي الله محلله لك هم محلل لهم تربيت شعر الوجه اذاً احنا المكياج

صاحبات اجمل بشرات في العالم الكوريات يحطون كريم اساس ومكياج متكامل
بس متناسب مع بشراتهم ودرجاتها ومعطيهم جمال اكثر من جمالهم

سالفة تمشي بنت بوجهها ساده بدون ميك اب لو ماسكرا او روج
صراحه اقول مال امها لزمه تحرك رجولها
تعيني بوجهها هي واخوها البزر واحد

انتي عارفه ثلاثة ارباع صحباتي والله العظيم مهوسات مكياج نفسك
عندهم مكياج لسى مافتحوه باقي

انتي كل مافي الموضوع يبي لك ماتشتري شيء فائض عن حاجتك فقط يعني لاتستمعي للاعانات
وتتابعي موضة المكياج خذي اساسياتك اللي تعتبر اهم شيء في المكياج
وفريها كلها واكتفي بها لان لو نتابع الموضه راح نفني المبالغ كل مره ينزلو شيء
بنهايه لهم نفس الغرض والاستخدام

فاذا حابه تجددي انتظري لين يقرب انتهاء التاريخ
ترا اغلب المكياجات 6 شهور وتخلص وترميها قليله يكون سنتين او ثلاث
شيكي عليهم كل فتره وكل شيء تاخذيه دوني تاريخه لجل تعرفي متى تكبيه
ومنها ماتقولي نفس بعض البنات تخرب بشرتي
اكيد تخرب وانتي كل من هب ودب تحطيه حتى المنتهي
مظلوم المكياج عند بعض البنات مايستخدومه واذا انتهى استخدموه وربي حاله وتقول خرب بشرتي

الارواج استخدميهم بشكل يومي لان معروف مدتهم 6 شهور فقط
مافيها شيء اصحي وامسحي وجهك ورطبيه وحطي روج
وبكذا تنتهي بسرعه وتاخذي غيرهم بسرعه ونفس الشيء للميك اب للدوام حطي لك
في البيت برضو حطي

اقسطي وبقي لك مبالغ ماليه لشيء ثاني هوسك جداً طبيعي كل واحده من البنات تمتلك هوس من نوع خاص
ميك اب ، ملابس ، شعر ، شوزات ، شنطات ، بوكات ، عبايات ، اكسسوارات
يعني جداً طبيعي الوضع

بس الرجال عيارين ع بالهم البنت اذا حطت مكياج تتحول صناعيه وتتصنع جمالها
خل اتحول صناعيه انا اعلم بنفسي مو غيري فاذا علق غيري هذا التعليق
لايأثر بي ابداً يعني لاتقلبي الهوس خوف من الميك اب بسبب نقد البعض

تمكيجي فانتي انثى الكل يعلم انك جميله فالمكياج مجرد لمسات اضافيه نستغلها لكوننا فتيات فقط مخصص لنا لا لغيرنا

تقبلي ردي وعبق وردي مع خالص احترامي لسموك
آسيرة حرف