مشاركه ارجو لها القبول ..
الا يانجـم يالنجـم السمـاوي
كلامٍ هاض به هجس الشقاوي
تسمّع يوم هيضـت المشاعـر
وانا في جوي لحالي خـلاوي
اهجرس باللحـون السامريـه
على ممشاي مع وقع الخطاوي
واخيلك وانـت مالديـت يمـي
ولاتسمع من الشاكي شكـاوي
وانـا لله حالـي واحتمـالـي
هو اللي يعلم بحالـي ويـاوي
سبايـب هـمٍ بداخـل فـوادي
طواني منه عشرين الف طاوي
يجول بخافقي خفت وتخافـت
كما الساري مع الواد السناوي
زمانن قام يربـع لـي حبالـه
على طيتـك يالعـد الرهـاوي
يقالبني علـى الطيـه لحالـي
عسى ربي يكافينـا البـلاوي
اكسرهـا واجمعهـا وتطـلـع
نواتجهـا عقيمـه بالتسـاوي
ابا ارحل معك يالارض الوسيعه
ولاميًـس ولاقلبـي رجـاوي
ابا ارحل واترك ذنوبي لاهلهـا
ولوّ القى ولو مالقـى مـداوي
انا مارضى الاهانـه والمذلـه
وانا اللي من بعيدين الهقـاوي
على اطلال المحبه وش بقالـي
وانا عن شوفة المقفي غنـاوي
مثل ماقـال راع القـول الاول
رعـاك الله ياقلـب الهـواوي
وسلمتوا......