يا نور عيني وأنت صبحي وظلماي … يا فرحتي يا سلوتي يا ضحايه
يا معذبي بالحب يا قدوة اهداي … يا روح روحي يا رجاي وعمايه
ياللي لي أغلى من قرايب دنياي … ياللي ودادك ساكنٍ في حشايه
ياما لقربك زادت الرجل بخطاي … وياما توطيت الخطر من خطايه
يمناك وان شفتك تصافح لي يمناي … يسوقني من يم قربك هدايه
وياما تناديني شفاتيك باسماي … هرجك مثل وحيٍ نزل من سمايه
يا سراجي الوضاح في كل مسراي … ويا غاية عندي سوت كل غايه
انت المرض وانته سبب داي ودواي … وانت الخطر وانته سبب كل سايه
وشلون تنسى يا اريش العين لاماي … عقب الغلا وشبك تكدر صفايه؟
انخاك يالبراق يا عمير مشكاي … على الذي بالود جدد عنايه
حيًّ نهب روحي وشتت نواياي … عنده مرض قلبي وعنده دوايه
الله لا يبلي صديق ببلواي … ومن نور عيني لا يخيب رجايه