[frame="9 98"]كل الأماكن ] في غيابك ! / تناديك !!
................... حتى خفوقي / صب صوته وناداك !

حتى [ الشعور ] اللي نثرت / لمعاليك !
................. يصرخ بجوفي : ( وينه اليوم ما جاك ) !

حتى [ المكان ] اللي ابتدت / قصتي فيك !
................... جيته وحيدة ! / بعد ماكنت وياك !

شف هـ [ البحر ] من لوعتي / قام يبكيك !
................ موجه ينادي : ( إرجع اليوم رجواك ) !

ياما سقيت [ ورود ] حبك / بياديك !
................... فاحت شذاها / بأروع الطيب بحذاك !

وياماعسفت [ مهار ] شعري لمعاليك !
.............. وكل ما ( نخيتك ) / يرجع الصوت : [ لبـّاك ] !

[ تعال ] شفني أنتظر / في موانيك !
................... أبكي ( الشتات) / إللي على جال فرقاك !

[ تعال ] أهمس لي / وبهمس بذانيك !
.................. بصب شوق من الغلا / صار يضماك !

[ تعال ] أقلط / يابعد قلب مغليك !
................... أدخل [ تفضل ] / مهجة الروح ملفاك !

[ تعال ] أمسح دمعة(ن) / تنتخي فيك !
................... ترجي [ كفوفك ] / تمحي دموع فرقاك !

خلّك هنا / مابين عين(ن) تراعيك !
................... ومابين قلب(ن) / دايم الدوم يفداك !

هذا [ خفوقي ] وأحفظه / بين أياديك !
................... [ لا تتركه ] / من لوعة البـُـعد ينساك !

أبحرت لك [ شعري ] / وقلبي يناجيك !
................ بحره [ دموعي ] / ومركبه [ شوق ] ينصاك !

شف هـ [ الدموع ] بغيبتك / كيف ترجيك !
.................. هذي [ فتاتك ] / جاتك اليوم تنخاك !




[/frame]