01-03-17, 06:54 PM
|
#57 |
| | | | | | | | | | | | | | | | | | | | | | | | |
شعرٍ لفاني .. وهاضتني مكاتيبه
وقامت تزاحم هواجسي وتشحني
ترى الهوى عسر ياناوي مراقيبه
تجيه صاحي وترجع منه منجني
انشد مجرب وتنذر لك تجاريبه
اخذ الكلام المفيد ومابدا مني
انا عليل الهوى ومصيبتي مصيبه
على وليفٍ نوى للحزن يتركني
كنت احسب انه يماريبي واماريبه
ولا شاف في عيني الضيقات ينشدني
ماكنت احسبه لعوب ومن الاعيبه ..
لا شافني اقفيت بيمنى الغدر يطعني
عطيته اللي عجز غيري يلبي به
وعطاني اللي عجز عن حملته متني
وشلون بجزيه انا وادبل مضاريبه
وانا ليا رحت منه الشوق ياكلني ؟
(كنه من ضيوفي وانا من معازيبه
وشلون بقفي اخاف الناس تنقدني)
لا بارك الله في حب ذي اساليبه
عيا الزمان الردي يتوب وينصفني
اخذ الكلام المفيد امسك مقاضيبه
واليا انشدوك العرب قل ناتجه مني
ترى الهوى عسر ياناوي مراقيبه
تجيه صاحي وترجع منه منجني . |
|
|
 |